Tió (kristnaskotempa kataluna tradicio)

La Muzeo de Esperanto de Subirats deziras al vi ĉiuj bonajn festotagojn  kaj invitas vin plu akompani nin en nia tasko diskonigi la riĉan enhavon de nia muzeo kaj samtempe la historion kaj valorojn de la esperantismo. Espereble vi pasigos ĝojajn momentojn ĉe viaj familianoj kaj amikoj.

Ni deziras ankaŭ informi ke, dum la feriperiodo de la 23a de decembro ĝis la 8a de januaro, la muzeo retos fermita. Tamen, por kiu ajn sugesto aŭ demando, vi povos daŭre turni vin al la konata retadreso: info@museuesperanto.org. La venonta dato por efektiva vizito de la muzeo estos la semajnfino 14-15 de januaro,  laŭkutime je la 13a h.

Ricevu koran saluton kaj niajn plejan bondezirojn por la transjariĝo!

Pri la bildo, vidu ankaŭ kristnaska ŝtipo

La numero de Kataluna Esperantisto kiu anoncis la kongreson de Lleida

La sabaton 22an de oktobro vespere, malgranda grupeto de esperantistoj kaj simpatiantoj renkontiĝis en La Brokanteria por kundividi spertojn kaj memorojn krom pluinformiĝi pri la ĉisemajna Kataluna Kongreso okazonta en Barcelono. La aranĝo estis atentata de la loka ĵurnalo Segre, kiu publikigis foton kaj etan artikolon la sekvan tagon.
Dum la renkontiĝo oni konstatis, bedaŭrinde, la malgrandecon kaj disiĝon de la esperantismo en la lleida regiono sed samtempe oni ekesperis ke la funkciado de La Brokanteria utilos kiel nova referenco kaj sidejo.En ĝi la ĝenerala publiko kaj interesitoj povos ricevi informojn kaj broŝurojn pri esperanto, la Muzeo kaj eĉ pri Subirats kaj Alt Penedès, kie situas MES.

Ĉeestantoj de la prezento de MES

Antaŭ dudeko da ĉeestantoj, la preleginto prezentis la ĉefajn trajtojn de la muzeo per bildaro pretigita de Montse Piñeiro kaj ankaŭ disdonis flugfoliojn kaj dosierojn al interesiĝantoj.

Raportis: Víctor Solé

Internacia Esperanto-Muzeo en Vieno ofertas skanaĵojn de niaj plej gravaj fruaj periodaĵoj, i.a. de La Revuo, Esperanto (UEA), Brita, Germana kaj Pola Esperantisto, Lingvo Internacia kaj Literatura Mondo. Sensacie! …

Malfacilas diri, kiu superlativo sufiĉas por adekvate laŭdi tiun longe atenditan deziregon. Plej multaj jarkolektoj de niaj plej gravaj fruaj Esperanto-gazetoj nun estas senkoste legeblaj en la reto. Jen la listo:

Literatura Mondo, jan. 1923

Amikeco.- 1925-1926

Austria Esperantisto. – 1924-1938

The British Esperantist. – 1905-1939

Casopis Ceskych Esperantistu. – 1908-1914

Cosmoglotta (Serie B). – 1935-1948

La dek-sepa. – 1910-1914

La Esperantisto. – 1889-1895

Esperanto. – 1905-1946

Germana Esperantisto. – 1905-1935

Informoj por la anoj de la Austria Katolika Ligo Esperantista. – 1914-1932

Grabowski, Pola Esperantisto,…

Internacia Bulteno.- 1914-1918

Kosmoglott (Serie A). – 1922-1950

Lingvo Internacia. – 1895-1914

Literatura Mondo. – 1923-1938

Pola Esperantisto. – 1906-1937

La Revuo. – 1906-1913

Rund um die Welt. – 1910-1914

Apenaŭ eblas supertaksi la gravecon de tiu projektego. Miloj kaj miloj da paĝoj de niaj plej gravaj kultur-trezorujoj alireblaj per simpla klak-klak. Kune kun Elektronika Bibliografio de Esperantaj Artikoloj (EBEA), datumbazo de prilingvaj kaj primovadaj gazet-artikoloj, ĉiu nun povas relegi ofte forgesitajn esperantologiajn diskutojn.

Sidejo de la 70a HKE-2011

Rezulte de interkonsento kun Hispana Esperanto-Federacio (HEF), la Muzeo de Esperanto de Subirats cxeestos partoprenos en la programo de la 70a HKE 2011, kiu okazos inter la 28a de junio kaj la2a de julio ĉijara. Sidejo de la kongreso estos la Kulturdomo de Sant Lorenzo del Escorial, fama monumenta konstruaĵo apud la hispana ĉefurbo, Madrido.

La Muzeo de Esperanto, dank’ al la kunlaboro kun Víctor Solé, membre de Kataluna Esperanto-Asocio, prezentos  sian enhavon kaj celojn, kun la ideo diskonigi ilin en la esperanta komunumo. I. a., oni disdonos dosieron, faldfoliojn kaj alian materialon per kiuj proksimigi al la kongresanoj la riĉecon de Subirats, kiu prizorgas unu el la plej gravajn e-kolektojn el la mondo.

Al tiuj kiuj sentos sin interesitaj, la ĉefa temo de la kongreso estos la analizado pri kiel esperanto povas adaptiĝi, nun kaj estonte, al la novaj metod- kaj komunikkanaloj. Dum la kongreso okazos enkonduka kurso pri la lingvo, muzikprezentoj, projekciado, prelegoj, atelieroj kaj kulturpromenadoj, inter kiuj elstaras la programita vizito al la Muzeo de El Prado.

Ni kore dankas al la membroj de la Loka Organiza Komitato, Tonyo del Barrio kaj Raúl Martínez Anguita, pro ilia disponemo kaj helpemo kaj ni deziras plenan sukceson al la Kongreso.

Persiko de l'Ordal, tre populara en la lando

Kun la celo subteni la laboron de la gekamparanoj de l regiono de Subirats , la Muzeo decidis kontribui al la celebrado de la tagoj dediĉitaj al la Surplaca Persikobazaro de l’Ordal, okazonta la venontan sabaton18an, je la 12 h. Ĝin komenciĝos per parolado de la Ĝenerala Direktoro pri Turismo, Marian Muro, kiu informos pri la fama Ordal-persiko kaj aliaj produktoj dela regiono, kiujn oni vendos en Sant Pau d’Ordal en la venontaj someraj sabatoj kaj dimanĉoj, ĉiam matene.

Estante la Muzeo tre najbare al la evento, ni interkonsenti kun la organizantoj kunlabori en la tradicia aranĝo tiel, ke ni proponos senpagan viziton al la muzeo al ĉiuj klientoj aĉetintaj en la persikbazaro. Tiuj specialaj gvidataj vizitoj okazos sabate kaj dimanĉe je la 13 h.

Do, ne hezitu profiti tiun oferton kaj konatiĝu kun Subirats jen gustumante bonegajn fruktojn jen vizitante unikan kulturposedaĵon. Ĝuu kaj lernu!

La venontan sabaton, 4an de junio, je la 18h. en la Muzeo oni prezentos la libron Poliglotisme passiu i altres escrits, verkita de Delfí Dalmau kaj eldonita de Voliana Edicions. Ĝin prezentos la direktoro de la eldonejo, Jordi Solé i Camardons, filologo kaj spertulo pri socilingvistiko.

Delfí Dalmau (Figueres 1891 – Barcelona 1965) estis elstara pedagogo kaj lingvisto, tre ligita al instruado de lingvoj kaj ankaŭ famkonata esperantisto da la vigla kataluna movado kiu disvolviĝis komence de la 20a jarcento.

Lia universalisma revemo ne malkongruis kun lia forta katalunisma sento, kio speguliĝis ofte en lia pedagogia laboro kaj kultura aktivado. Inter liaj verkoj plej indas mencii la libron prezentotan en la muzeo, en kiu Delfí i Dalmau proponas la, t.n., poliglotisme passiu (pasiva poliglotismo), laŭ kiu oni uzu la propran lingvon kaj samtempe oni havu -pasivan- konon de kiel eble plej multaj lingvoj.

Nun Voliana reeldonas la verkon skribitan en 1936, kun kelkaj aliaj tekstoj de la aŭtoro kiu, pro sia ligo al Esperanto, ĉiam interesiĝis pri la ekologiaj principoj de la lingvo kaj pri la lingva egaleco.

Ni invitas vin ĉiujn ĉeesti tiun prezentadon dum kiu oni havos la eblecon aĉeti la libron kaj rigardi diversan materialon de la muzeo rilatan al Delfí Dalmau. En la aranĝo, kiel kutime, kunlaboras la Turisma Patronaro de Subirats kaj la Asocio de Amikoj de la Muzeo de Esperanto de Subirats. Ĉe la fino oni regalos la ĉeestantojn per ĉampanjgustumo. Ni atendas vian partoprenon!

Ni proponas Esperanton kiel preternacia lingvo kiu permesu la komunikadon je egaliga nivelo inter parolantoj de malsamaj lingvoj, tiel kiel ni jam montris dum pli ol jarcento de la internacia lingvo Esperanto.

Ni proponas Esperanton kiel solvo al la problemo pri komunikado, internacie kaj mondskale. Ĝi estas ankaŭ justa kaj demokratia propono por internaciaj aranĝoj kaj organizoj.”

La 1an de novembro okazos la Post-Kongreso, ĉifoje en Subirats, kie troviĝas la sidejo de la Muzeo kreita de Lluís Hernández. Kunlaboros en la evento la Turisma Patronaro de Subirats kaj la Urbodomo. Celo de la programo estos konigi la diversajn allogaĵojn de la regiono, speciale ĝian pejzaĝon kaj ĝian gastronomion.

Kompreneble ne mankos speciala atento al la muzeo, kie la partoprenantoj ĝuos dokumentojn kaj objektojn sub speciala gvidado. Pliajn detalojn pri la kongreso vi trovos ĉe la retejo de Kataluna Esperanto-Asocio.