Iom da historio…La Batalo de Ordal

Esperanto-tago en MES

La 15an de decembro oni rememoras la naskiĝtagon de D-ro Zamenhof, patro de Esperanto. Ĉijare la Esperanto-tago plenas je eventoj, unu el ili okazos en la Muzeo de Esperanto de Subirats, kiu situas en la strato Zamenhof de Sant Pau d’Ordal. Cele al la celebrado de la datreveno, oni planis specialan viziton je la 11a h. matene, anstataŭ la kutima je la 13a h. La vizito okazos kadre de la programo organizita de Kataluna Esperanto-Asocio (KEA).

Por tiu ĉi evento estis invitita Miguel Fernández, esperanto-verkisto, poeto, tradukinto de F.G. Lorca al Esperanto kaj kantisto. Li prezentos sian lastan libron Poezio, armilo ŝargita per futuro.

Jen informo pri la horaro:

Dimanĉon la 15an de decembro (zamenhofa tago):
> 11h00 Vizito al la Muzeo de Esperanto de Subirats
> 12h00 La lasta defendo de Barcelono (prelego pri la lasta klopodo eviti la eniron de la frankisma armeo en Barcelono, en Subirats januare de 1939)
Muzeo de Esperanto de Subirats
> 13h30 Frata tagmanĝo (rezervota)