BAPNU kun ni (Kampanjo por helpi esperantan kulturejon)

Kataluna Esperanto-Asocio (KEA) lanĉis amasfinancadan kampanjon por renovigi la Biblioteko-Arĥivon Petro Nuez (BAPN), kiu enhavas gravajn historiajn dokumentojn de antaŭ pli ol 100 jaroj. Ĝi urĝe bezonas restrukturiĝon, por protekti tiun gravan parton de la historio de Esperanto en Katalunio.

En la unua fazo de la kampanjo oni celas atingi 6000 eŭrojn por renovigi la plankon de la ejo kaj starigi kvar biliotekajn bretarojn. En estonta dua fazo, la kampanjo celas kolekti pliajn 4000 eŭrojn por aldoni du pliajn bretarojn, tablon kaj seĝon novajn kaj la komputilaĵojn necesajn por katalogi la enhavon de la BAPN, kiu estos parto de la naskiĝanta tutmonda katalogo de esperanto-bibliotekoj.

Biblioteko Arkivo Petro Nuez (BAPN) estas biblioteko-arĥivo de Kataluna Esperanto-Asocio registrita en la reto de specialigitaj bibliotekoj de la registaro de Katalunio.

La kampanjo estas en la retejo Verkami, la pionira amasfinancada interretejo de
Katalunio, kies nomo venas de la esperantaj vortoj “verki” kaj “ami”.

La proponataj rekomencoj por la donacoj povas esti simpla danko kaj inivto al inaŭguro, publikigo de la nomo en ŝildo sur la muro de la ejo, sed oni ankaŭ proponas vespermanĝojn, gastigadojn, ciceronadojn, kulturajn profesiajn vizitojn en Esperanto, kvalitajn artajn bierojn kun esperanta nomo, ekzemplerojn de La Eta Princo, Asteriks, aŭ la lastajn eldonajn novaĵojn de la kataluna asocio, kursojn, t-ĉemizojn, diskojn kaj eĉ koncertojn de Kaj Tiel Plu. La plej donemajn mecenatojn eĉ honorigos la Katalunaj Kongresoj de Esperanto.

Emociplena e-tago en la Muzeo

La pasintan 15an de decembro oni celebris la naskiĝtagon de D-ro Zamenhof, la iniciatinto de Esperanto (Bialystok, 15an de decembro 1859 – Varsovio, 14an de aprilo 1917). Por la okazo oni aranĝis diversajn prezentojn organizitajn de Kataluna Esperanto-Asocio.

La esperanta renkontiĝo komenciĝis je la 11a h. kiam ĉ. dudeko da esperantistoj kunvenis en la muzeo. Plej multaj partoprenatoj estis katalunaj sed ne mankis iom da eksterlanda reprezento, nome esperantisto el Kazaĥstano. Rimarkendas ankaŭ la ĉeesto de Miguel Fernández, esperanta verkisto, poeto, kantisto kaj tradukanto de la verkoj de federico Garcia Lorca. Miguel atingis la muzeon veninte el Barcelono, kie li prezentis sian lastan libron Poezio, armilo ŝargita per futuro. Li dediĉis parto de la renkontiĝo al subskribo de dediĉoj sur libroj de aĉetintoj.

Je la 12a h. oni spektigis video-dokumentarion e-subtekstigitan pri la rezisto de la respublikistoj en Subirats dum la enirado de la frankismaj trupoj kadre de la Hispana Milito.  Tiu dokumentario ligiĝas al la historia loka itinero nomata Última defensa de Barcelona (Lasta defendo de Barcelono), kiu viziteblas sub ĉiĉeronado ĉiun 3an dimanĉon de la monato.

Krom tio, la muzeo preparis selekton de libroj pri poezio originale skribitaj en esperanto.Temas pri ekspozicio kiu estos vizitebla dum du monatoj.

Vidu skize la liston:

William Auld

 

 

Edwin de Kock

Romano Frenkel

Raymond Schwartz

Aleksandr Porfirjeviĉ Logvin

Eli Urbanová

Geraldo Mattos

Julio Baghy

Celebrado de la Esperanto-Tago. 125 jaroj da komuna lingvo

La venontan 15an de decembro, kunlabore kun Kataluna Esperanto Asocio, ni celebros la 125-jariĝon de la projekto komencita de Lazaro Ludoviko Zamenhof, t.e., Esperanto. Propono pri komuma lingvo, utila al ĉiuj kaj faciliga ilo por komunikado inter homoj el malsamaj originoj kaj lingvoj. Jen ni informas pri la programo de la aranĝo. Baldaŭ ni aldonos pliajn detalojn pri la prezentoj okazontaj en la Muzeo ekde la 11a matene kaj kies kerno estos la rekono de la verko de la esperantistoj Josep Travesset kaj Anna Rosselló.

11:00 h. ĉe la Muzeo de Esperanto, Prezento de la verko de A. Rosselló kaj J. Travesset

19:00 h. ĉe  Espai Vilaweb, Babilrondo “Lingva diverseco kaj paco” Kun Xavier Alcalde (ICIP), Jordi Armadans (Fundipau) kaj Carme Junyent (membro de GELA, lingvistino).

Vespere. komuna vespermanĝo en Restoracio Horiginal.

Subirats, sidejo de la Kataluna Post-Kongreso 2011

De la 28a al la 31a de oktobro okazos en Barcelono la 35a Kataluna Kongreso de Esperanto, kies ĉeftemo estos la lingva diverseco. En Barcelono oni parolas nuntempe en pli ol tricent lingvoj. La urbo estas parto de Eŭropa Unuiĝo en kiu, apriore, oni defendas la rajton al la lingva diverseco sed, praktike , la realo ne estas tiom simpla. Laŭ opinio de la kongresaj organizantoj: ” Estas ĝuste en tiu ĉi kadro kie la esperantistoj volas debati pri la ekzistantaj alternativoj al la eŭropunia lingvopolitiko, kiu fakte kontraŭstaras siajn proprajn principojn.

Ni proponas Esperanton kiel preternacia lingvo kiu permesu la komunikadon je egaliga nivelo inter parolantoj de malsamaj lingvoj, tiel kiel ni jam montris dum pli ol jarcento de la internacia lingvo Esperanto.

Ni proponas Esperanton kiel solvo al la problemo pri komunikado, internacie kaj mondskale. Ĝi estas ankaŭ justa kaj demokratia propono por internaciaj aranĝoj kaj organizoj.”

La 1an de novembro okazos la Post-Kongreso, ĉifoje en Subirats, kie troviĝas la sidejo de la Muzeo kreita de Lluís Hernández. Kunlaboros en la evento la Turisma Patronaro de Subirats kaj la Urbodomo. Celo de la programo estos konigi la diversajn allogaĵojn de la regiono, speciale ĝian pejzaĝon kaj ĝian gastronomion.

Kompreneble ne mankos speciala atento al la muzeo, kie la partoprenantoj ĝuos dokumentojn kaj objektojn sub speciala gvidado. Pliajn detalojn pri la kongreso vi trovos ĉe la retejo de Kataluna Esperanto-Asocio.